Baguio City- Kinablaawan ti Baguio Tourism Council chairman Gladys Vergara ti kabarbaro a toursit attraction a Dragon Treasure Castle a masarakan idiay Irisville Subd, Purok 20 Upper Irisan, Baguio City.
Ditoy nga inyunay-unay ni Vergara ti programa ti BTC a Sustainable Tourism ken Eco-Advocacy babaen iti panag-guyugoy na kadagiti bisita a respetaren ken salwadan ti aglawlaw bayat iti panag-apresiar iti nabaknang a kultura ken tradisyon dagiti kakailyan.
Kagiddan iti panaglukat ti nasao a pagpasyaran ket manamnama a maysa daytoy kadagiti baro a destinasyon dagiti turista gapu ta addaan daytoy iti cultural, historical, ken eco-tourism destination a naan-anay a mangbigbig iti Summer Capital of the Philippines kas hub wenno destinasyon iti sustainable ken heritage tourism.
