--Ads--
BAGUIO CITY – Puntirya ti lokal a gobyerno ti La Trinidad, Benguet a maipasidon iti imbentaryo dagiti babbalay ken establishimiento nga adda iti igid ti Balili River.
Sigun kenni Mayor Romeo Salda, puntiryda a maisayangkat ti nasao a panagimbentaryo inton Hunyo tapnu madertermina dagiti direkta a mangibelbelleng iti rugitda a danum iti nasao a karayan.
Kinunana nga addan dagiti napalabas a panagimbentaryo kadagiti pagtaraknan ti baboy ken manok iti asideg wenno igid ti karayan.
Innayonna a maysa ti nasao nga aksion kadagiti singasing para iti Balili River manipud iti Regional Development Council.
