Nalpasen a naimprenta dagiti opisyal a balota a maaramat para iti 2025 Bangsamoro Parliamentary Elections.
Daytoy ket kinumpirmar ni Commission On Elections Chairperson Atty. George Erwin Garcia innem nga aldaw kasaruno ti panangituloy iti poll body iti panangiproseso iti daytoy.
Sigun kenni Atty. Garcia, nalpas a naimprenta idi Domingo dagiti balota para iti Basilan, Tawi-Tawi, ken iti Special Geographic Area (SGA) bayat a narugyan idi Sabado dagiti para iti Maguindanao del Sur ken Maguindanao del Norte.
Malaksid iti dayta, nakumpleto metten ti beripikasyon ti balota kadagiti daduma kadagiti nadakamat a lugar bayat a manarimaan paylaeng idiay Maguindanao del Norte, Lanao del Sur, ken Cotabato City a puntirya iti Comelec a maileppas agingga inton Martes wenno Mierkules.
