BAGUIO CITY – Agtultuloy ti tulong a maipapaay kadagiti minero ken residente a nagpositibo iti COVID-19 a naka-isolate sadiay Philex Mines, Tuba Benguet ken Virac,Itogon, Benguet.
Iti panakiuman ti Bombo Radyo Baguio, kinuna ni Governor Melchor Diclas a nagbibinnadang dagiti lokal a munisipyo para iti agtultuloy a panakaipaay ti food packs ken bagas kadagiti apektado nga minero.
Sigun kenkuana, dagiti nagsasaruo a panagpositibo dagiti minero iti nadakamat a lugar ket paset ti maisaysayangkat nga expanded ken contact tracing manipod kadagiti immunan a nagpositibo.
Kinunana nga adu ti minero nga agigyan iti uneg ti bunkhouses nu sadinno awan ti ventilation ken limitado ti espasyo a mangituntunda iti panag-uurnong dagiti minero.
Nupay kasta, naipasidongen iti isolation dagiti dadduma pay a minero sadiay Philex Mines ken dagiti minero iti Virac Itogon para iti manarimaan nga disinfection ken contact tracing sadiay.
