BAGUIO – Inbilinen ni Mayor Benjamin Magalong ti pannakaipasidong iti testing ti amin a health workers ditoy siudad a posible a na-exposed kadagiti pasiente ti COVID-19 iti amin nga ospital ditoy siudad.
Daytoy ket kalpasan a nagpositibo iti COVID 19 ti siam a medical frontliners ti Baguio General Hospital and Medical Center a pakairamanan ti tallo a doktor.
Binilin ti mayor ti amin a hospital administrators a mangisumitir iti listaan dagiti staff dagitoy a maipasidong iti testing.
Manamnama a marugian ita nga aldaw ti Lunes ti risk-based testing ditoy siudad no sadino, puntiria a maipasidong iti test ti 200 nga indibidual iti inaldaw.
Sigun kenni City Health Officer Dr. Rowena Galpo, karaman dagiti health workers kadagiti maipangruna iti testing.
