Inkari ni President Ferdinand Marcos Jr. a maisardeng ti palakasan system kadagiti farm-to-market road projects.
Sigun kenni President Marcos Jr.,amin dagiti maaramid a farm-to-market road ket rumbeng a maaddaan iti national masterplan ken saan a koneksyon iti pulitika.
Impanamnama ti presidente a dagiti maaramid a proyekto ket saan a dumalan iti panaggagayyem, pangkaalyado, ken ti maaw-awagan a palakasan.
Kinuna ni President Marcos Jr. a manarimaanen ti pankikoordinarda kadagiti gobernador ken mayor tapno ma-validate dagiti farm-to-market road roadmap ken tapno masigurado a dagiti proyekto ket naibasar iti pagkasapulan ken saan nga iti maysa a political patronage.
Malaksid iti farm-to-market roads, impanamnama ti presidente a maimbestigaran metlaeng dagiti farm-to-market bridges.
