--Ads--
![](https://img.bomboradyo.com/baguio/2020/01/swine.jpg)
BAGUIO CITY – Naipalubusen ti panakaiturong dagiti sibibiag a baboy, karne ti baboy, frozen pork ken pork products iti probinsia ti Benguet.
Maitunos daytoy iti pammilin ni Benguet Governor Melchor Diclas.
Nupay kasta, karaman iti pammilinna a dagiti maiserrek a pork products iti probinsia ket agtaud kadagiti lugar nga addaan 10 kilometro a kaadayo manipud kadagiti lugar nga apektado ti African Swine Fever.
Maipalagip nga idi napalabas a tawen ket naipawil ti panakaiserrek dagiti karne ti baboy sadiay Benguet ken dadduma pay a lugar iti pagilian gapu iti pangta ti African Swine Fever.