BAGUIO CITY – Tartarigagayen dagiti nagannak a maisublin ti face-to-face learning iti probinsta ti Benguet iti kabiitan a panawen.
Sigun kenni Benguet Schools Division Superintendent Benilda Daytaca, daytoy ti rumrumwar iti survey ken assessment nga insayangkat ti Department of Education.
Kinunana nga addu a nagannak ti magagaran iti panakaisubli ti face-to-face class gaputa marigatanda a mangasistar wenno mangtulong kadagiti annakda nangruna ta makumikomda met kadagiti trabahoda ken ti adduma ket saanda a maawatan ti leksion dagiti annakda.
Imbinglayna a tinagiragsak dagiti nagannak ti plano a panakaisayangkat kuma ti pilot test ti face-to-face a klase ngem naupayda idi nagdesisyon ni Presidente Duterte a saanen a maituloy ti plano.
Iti baet dagitoy, dinayaw ni Daytaca dagiti nagannak ken guardians dagiti estudyante gapu iti panangsuportada kadagitoy iti baet ti panakakumikomda iti trabahoda ken iti kinakurang a panaka-awatda iti leksion dagiti estudyante.
Immuna metten nga impanmakel ti DepEd-Benguet a nagtalinaed ti performance dagiti estudyante iti probinsia iti baet a modular ken blended
