Agtultuloy nga ipatpatungpal ti Banguet Municipal Police Station ti programa dagitoy maipapan iti panakaisuko wenno panakaisurrender dagiti loose firearms.
Iti panakiuman ti Bombo Radyo kenni Police Captain Cerel Gaspili, Deputy Chief ti Police Bangued Municipal Police Station, al-allukoyenna ti publiko nga isukoda dagiti saan a nakarehistro a paltog dagitoy bayat a nu mabutengda a mangisurrender kadagiti loose firearms iti kustodiya dagiti pulis ket mabalin nga isukoda daytoy kadagiti barangay officialsda.
Sigun kenni Police Captain Gaspili, mabalin met laeng nga ipakaammoda daytoy kadagiti pulis ken dagitoy ti agturong kadagiti ayanda rason nu apay a nangipaaayda ti kontak dagitoy kadagiti maseknan.
Kabayatanna, kiddaw ni Gaspili ti koordinasyon dagiti umili kadagiti maipatpatungpal a check points ken barangay visits tapno maipasigurado ken mamintinir ti kinatalged iti nasao a lugar.//Bombo Mera Pacpacan
