Naituding a maiyawid iti pagilian ti bagi daydi Philippine National Police Director for Logistics, Colonel Pegentino “Bong” Malabed inton umay a lawas.
Mailapagip a ni Malabed ket karaman kadagiti innem a pulo ket uppat a pasahero a pimmusay iti napasamak a collission iti nagbaetan ti American Airlines jet ken ti US Army Black helicopter sadiay Waashington, D.C. idi napalabas a bulan.
Ti asawana a ni Rio Malabed ket agsubli sadiay Estados Unidos para iti panangitedna iti uniporme ti pulis a maaramat para iti panakaisubli ti bagi ni Malabed iti pagilian.
Naituding met a ti “viewing” iti bagi ni Malabed iti Philippine National Police Mortuary sadiay Camp Crame inton Pebrero 21 agingga Pebrero 23.
Kalpasanna dayta ket maiyakar daytoy sadiay Manila Memorial Park, Manila South Road, Barangay Dita, Santa Rosa City, Laguna inton Pebrero 24 bayat a ti cremation daytoy ket inton Pebrero 25 ken ti internmentna ket inton Pebrero 27.
