Kinumpirmar ni House Speaker Bojie Dy III a kiniddawnan ti tulong iti Department of Justice (DOJ) nga ikanselar ti passport ni sigud nga Ako Bicol Party-list Representative Zaldy Co.
Sigun kenni Dy, dagusna a kinontak ni sigud a DOJ Secretary ken ita ket Ombudsman a ni Jesus Crispin Remulla seknan iti napartak nga aksyon nga aramidenda tapno malapdan ti panagbiahe ni Co iti ballasiw-taaw.
Innayon ni Dy nga impanamnama kenkuana ni Remulla nga ipatungpal iti DOJ ti kapartakan nga aksyon a posible a maaramid.
Patien ti House Speaker a nakikoordinaren ti DOJ iti Department of Foreign Affairs (DFA) tapno idauloan daytoy ti panakakanselar it passport ni Co.
Immuna metten a kinuna iti Bureau of Immigration (BI) a saan pay a nakaawid iti Pilipinas ni Co nu sadino, sigun iti Deputy Spokesperson daytoy a ni Melvin Mabulac, awan ti nakitada unay a travel rekord ti sigud a kongresista.
Maipalagip a maysa ni Co kadagiti makidkiddaw ti pammalawagna seknan iti panakairaman daytoy iti anomalya kadagiti flood control projects .
Nupay kasta, nagturong daytoy iti ballasiw-taaw a sigun kenkuana ket para iti panagpaagasna.
Kasaruno dayta,pormal a naglusulos ni Co kas Ako Bicol Party-list Representative idi September 29, 2025.
