--Ads--
BAGUIO CITY – Agtultuloy ti panangimbestigar dagiti pulis iti pakabigbigan ti suspek a nangpalpaltog iti maysa a truck driver ti sabong sadiay Shilan Sports Complex itay kanikadua.
Nabigbig ti biktima a ni Marlon Orbano, 37-anyos, naasawaan, tubo ken residente iti Shilan, La Trinidad, Benguet.
Maibasar iti report, matmaturog ti biktima iti back passenger ti maysa a lugan idi adda ti nang-awag iti naganna.
Kalpasan a simmungbat ti biktima ket nangngeg laengen dagiti testigo ti ti tallo a kanalbuong ti paltog.
Dagus a naitaray ti biktima iti pagagasan ngem naideklara daytoy a dead-on-arrival.
