BAGUIO CITY – Puntirya ti Department of Education (DepEd) Cordillera ti panakapasayaat pay ti basic education iti rehiyon babaen iti panakaipaay ti umdas a pundo iti Deped iti panagsukat ti baro nga administrasion.
Sigun ken Deped-CAR Regional Director Estella Cariño, adan ti 6 year plan ti DepEd para iti edukasion a maipasa iti sumaruno nga administration.
Innaklon ni Cariño a makaaw-awatda laeng iti 2% iti total budget ti ahensia a nakadepende iti bilang dagiti learners.
Gapu iti daytoy, pinagyamanan ken inyunay -unayna ti kinapateg ti tulong ti PTA kasta metten kadagiti local government units (LGUs) para iti tulong ken suporta nga ipapaayda kadagiti pagadalan gapu ta adayo a kurang ti pundo a maaw -awat ti rehion.
Innayon ni Cariño a tarigagayda pay a matutukan a kasapulan ti sektor ti edukasion iti rehion ket ti umno a panakaiwaras ti resources kas kadagiti mannursuro uray kadagiti adayo a pagadalan nga addaan iti nabbaba a bilang ti estudyante.
Malaksid iti daytoy, kinunana a nasken metlaeng a manayunan dagiti pagadalan, laboratory rooms ken shops para kadagiti senior high school tapnu mapapintas pay ti learning environment dagiti learners.
