BAGUIO CITY – Nadutukan ni Assistant City Human Resource Management Officer Edith Dawaten kas Values Restoration Officer ti lokal a gobyerno ti Baguio City.
Nailanad iti pammilin ni Mayor Mauricio Domogan a ni Dawaten ti mangidaulo iti agresibo nga implementasyon ti Values Restoration Program ti gobyerno tapnu mapasayaat pay ti ugali wenno kagagalad dagiti opisyales ken empleyado ti gobyerno.
Nailanad pay iti pammilin a babaen iti daytoy ket maipaay ti kasayaatan ken de kalidad a serbisyo kadagiti umili ti Baguio.
Naamuan a ti panakadutok ni Dawaten kas Values Restoration Officer ti lokal a gobyerno ti Baguio ket kas panagtungpal ti siudad iti announcement nga impaulog ni sigud a Civil Service Commission chairperson Francisco Duque III seknan iti anangsuporta dagiti ahensia iti Values Restoration Program a maysa a private-public partnership.
