--Ads--
BAGUIO CITY – Maisaksakad iti lokal a konseho ti Baguio ti panakaimuntar dagiti silaw iti nagduduma a paset ti nalatak a Burnham Park.
Sigun kadagiti konsehal, babaen daytoy iti panakaibinnadang ti Benguet Electric Cooperative ken ti City Engineering Office.
Kinunada a babaen iti nasao a plano ket makabilan iti silaw dagiti partikular a paset ti parke tapnu saan a nasipnget ken napintas latta a pag-aliwaksayan dagiti umili ken turista nga uray iti rabii.
Innayonda a makatulong metlaeng ti plano iti kampanya ti pulisya kontra iti kriminalidad.
Kabayatanna, maituloy inton May 22 ti serye ti konsultasyon seknan iti plano a panakaipasdek ti parking building iti paset ti Burnham Park.
