Inlawlawag ti maysa nga abogado a ti panangisubli ti Senado iti impeachment case kontra kenni Vice President Sara Duterte iti Kamara ket saan nga unconstitutional.
Iti panakiuman iti Bombo Radyo kenni Atty.Edgar Avila, maysa a pribado nga abogado, agserserbi ti Senado kas court of law iti impeachment rason nga maaramid man bayat iti 19th Congress wenno maiyallatiw iti 20th Congress ti impeachment proceedings, saan a maibilang nga unconstitutional daytoy.
Sigun kenni Atty. Avila,agsinnabali ti trabaho iti Senado nu sadino iti impeachment, maysa daytoy a judicial work ken saan a legislative work.
Iti sabali a bangir,dinakamat metlaeng ni Atty. Avila nga awan iti nakalanad iti konstitusyon a mabalin ti mangipila iti motion to dismiss kadagiti impeachment.
Masapol a madengngeg ti kaso sakbay a mangngeddeng ti Senado.
Inladawan ni Atty.Avila a ti nagbalin a tignay ni Senator Alan Peter Cayetano nga isubli iti Kamara ti impeachment case ket maysa a kompromiso nu sadino, kasapulan a sungbatan ti Kamara nu nalabsing ti constitutional prohibition a one impeachment complaint every year, ken ti panagcertify ti sumaruno a kongreso nu interesado pay dagitoy nga ituloy ti prosecution.
Sigun kenni Atty. Avila, kaspangarigan saan nga interesado ti 20th Congress nga ituloy nga iprosecute ni Vice President Duterte, agbalin daytoy a shortcut iti panakadismisar ti kaso.
Nupay kasta, kinuna ti nasao nga abogado a ti panakaisubli iti impeachment case kontra iti bise presidente ket saan a panakadismiss nu di ket para laeng iti clarification.//Bombo Rob Dominguez
