Inlawlawag ni Attorney Nelson Palaris, Assistant Regional Director for Operations iti Department of Agrarian Reform – Cordillera a nainget ti panangtingitingda kadagiti agbalin nga Agrarian Reform Beneficiaries (ARBs) a pakaipaayan ti daga a maitunos iti paglintegan ti Comprehensive Agrarian Reform.
Iti panakiuman ti Bombo Radyo kenni Atty. Palaris, adda dagiti nadutokan a komite kadagiti nagduduma a lugar iti rehion a personal a mang-evaluate kadagiti kwalipikado a benepisyaryo tapno masigurado a nainkalintegan ti panakairaman dagitoy ken tapno maliklikan ti injustice.
Sipapannakkel met nga imbinglay ti opisyal a dandanin ciento por ciento ti naipaay dagitoy a daga kadagiti benepisyaryo iti Rehion Cordillera.
Malaksid iti dayta, kinuna ni Atty. Palaris nga awan ti backlog dagitoy seknan iti agrarian cases nu sadino balligi a narisut ti Department of Agrarian Reform – Cordillera ti kaadwan kadagitoy.
sa implementation ng ating project split(Support to Parcelization of Lands for Individual Titling ), particularly doon sa mga faciliTation ng mga collective cloa(Certificate of Land Ownership Award), diTO tayo nagkakaroon ng konting problema, particularly sa mga areas na nasakop ng aming cloa pero at the end of the day, pagkatapos nating maevaluate, magkaroon tayo ng survey, may mga portion pala na covered ng tinatawag nating timber lands o kaya ay sakop pala ng mga free patent issued title ng denr.
Kabayatanna, inyunay-unay ti opisyal a saan a mabalin nga ilako ti benepisyaryo dagiti daga a naipaay kadakuada agingga a saan pay a nadanon ti maysa a dekada a naipaima ti Certificate of Land Ownership Award (CLOA) kadakuada.
Kaspangarigan nadanon ti sangapulo a tawen, inlawlawag ni Atty. Palaris a mabalindan nga ilako ngem kasapulan a maipasidong metlaeng iti nainget a monitoring ken masapol a mangala dagiti benepisyaryo iti clearance manipod iti Department of Agrarian Reform sakbayda a mailako ti daga.//Bombo Rob Dominguez
