--Ads--
BAGUIO CITY – Agtultuloy nga im-imbestigaran dagiti otoridad ti rason ti panakauram ti Sabangan, Central School sadiay Losad,Sabangan Mountain Province itay agsapa.
Maibasar iti impormasyon, nagrugi ti uram iti agarup alas siete ti agsapa ken naideklara nga fireout wenno nasebseban iti oras ti agarup alas dies ti agsapa.
Nupay kasta, awan met ti naiyuman a nadangran kabayatan ti uram.
Sumagmamano laeng met kadagiti kagawaan ti naisalbar met dagiti mannursuro ken personnel iti nasao nga pagadalan.
Iti agdama ket suksukimaten dagiti otoridad ti pakabuklan ti danyos kasta met ti rason ti panakauram ti nasao a pagadalan.
