BAGUIO CITY – Iyaw-awis ti PAG-IBIG Fund-Baguio Chapter ti panagparehistro dagiti miembro dagitoy babaen iti virtual PAG-IBIG.
Sigun kenni Philip Raymond Salem, panakangiwat ti nasao nga ahensia, dua iti klase ti mabalin a pagparehistruan dagiti miembro ken empleyado ti virtual pag-ibig.
Babaen iti daytoy, mabalinen a maki-transaksyon dagiti miembro iti PAG-IBIG online ken saandan a kasapulan a makipila iti opisina dagitoy.
Kinunana a wagas daytoy ti ahensia tapno maliklikan ti panagwaras ti COVID-19 kadagiti miembro dagitoy.
Ibinglayna a kasapulan laeng a maaddaan iti PAG-IBIG loyalty card plus dagiti miemro tapno makapagrehistro dagitoy iti virtual PAG-IBIG.
Innayunna nga iti kanito nga addaandan iti loyalty card plus ket mabalinda nga agrehistro iti www.pagibigfund.gov.ph.
Iti kanito a nakarehistrodan ket mabalinen a maadaaanda iti transaksyon iti PAG-IBIG Baguio kas iti loan application ken dadduma pay.
Sigun pay kenni Salem, makikokoordinarda iti lokal a gobierno ti Baguio tapno para iti implementasion ti programa ti nasao a opisina. (with Bombo Janice Denis)
