BAGUIO CITY- “Ti panangbukel iti pamilia ket saan nga ang-angaw”.
Daytoy ti inyunay-unay ni Luvimin Aquino Sr. maysa nga ama ken beterano a dramatista ken producer dagiti drama iti Radyo.
Iti interview kenkuana iti Bombo Radyo Baguio, kinunana a ti panangbukel iti pamilia ket saan a bareng-bareng.
Inyarig ni Aquino Sr. a ti panagasawa ket saan nga inapoy a no napudot ket iyula a dagus.
Inyunay-unayna a daytoy ket responsibilidad iti tungpal biag.
Sigun pay kenni Aquino Sr., kasapulan ti pondasion iti panangbukel iti pamilia, umuna ti panangbirok iti partner ti tungpal biag, napintas a panangbangon iti pagtaengan ti pamilia.
MalakSid iti dayta, iti rigat man wenno nam-ay, masapul nga agdinanggay ti agasawa.
Sipapannakkel met ni Aquino Sr. a dumanon iti 46 a tawen nga agasawada iti partnerna a ni Mrs. Lety Astudillo-Aquino.
Innayonna a bedesion ti nabayag a panagkaduada iti asawana.
Nupay kasta, adda dagiti saanda a panagkinnaawatan ngem kunana a normal nga adda dagiti pagapa-an ti agasawa.
Impettengna a kasapulan a sulbaren iti nasayaat no anyaman dagiti saan a panagkinnaawatan ti agasawa sakbay a maturog iti rabii.
Inyunay-unayna a saan a maturog ti agasawa agingga a nasolbar ti nagapa-an dagitoy.
Kabayatanna, ipettengna a numero uno a saan nga ipakita kadagiti annak ti anyaman a pagapaan ti agasawa agasipudta dakkel a mangapikto daytoy kadakuada.//mp4
