Sinungbatan ti Malacañang ti kinuna ni Atty. Manases “Mans” Carpio a collateral damage daytoy iti impeachment trial ti asawana a ni Vice President Sara Duterte.
Sigun kenni Carpio, ikarkaragda nga agpatingga dagiti isyu kontra kenkuana ken ti asawa daytoy.
Sigun met kenni Palace Press Officer Undersecretary Claire Castro, tulunganda nga agkararag ni Carpio tapno rummuar ti kinapudno.
“Well, tulungan natin magdasal si Mans Carpio. ‘Yan ang gusto nating lahat ng Pilipino, magdasal para lumabas ang katotohanan kasi maraming nabubulag ngayon,” sigun kenni Palace Press Officer Undersecretary Claire Castro
Mainaig iti dayta, inakusaran ni Carpio ti gobierno nga ar-aramatenda ti amin a maikontra kenkuana tapno mairaman iti isyu ken agbalbalin a collateral damage.
“Wala sila makita kay Sara kaya parang collateral damage ako,” sigun kenni Carpio
Kabayatanna, impeksa ti Palasyo Malakanyang a maikari dagiti Pilipino iti naan-anay a kinalawag kas panangdakamatna iti kinuna ni President Ferdinand Marcos Jr. nga awan ti mailaksid iti panagsungbat, kabagyan man, gayyem, ken kaalyado.
Inyunay-unay daytoy a mairaman iti isyu ti maysa nga indibidual no adda ti ebidensiya.
“So kung may nadadamay lamang, sinasabi nila, malamang ay may ebidensya so kung wala namang ebidensya malilinis naman nila ang kanila mga pangalan,” innayon ni Castro.
