Mannarimaan ti pannakaipinal ti memorandum circular para iti pannakadutok ti Integrity Monitoring Officer (IMO) ken Integrity Officer (IO) kadagiti local stations wenno municipal police stations, maysa a programa iti sidung ti Integrity Monitoring Enforcement Group (IMEG).
Sigun kenni PCol. Lambert Suerte, Deputy Director for Operation ti IMEG, saan laeng a tunggal municipal station ti pakaiyaplikaranna ti nasao a programa nu di ket kadagiti amin a unit ti kapulisan.
Daytoy ket tapno addan dagiti mangwananwan kadagiti kapulisan iti baba tapno maliklikan ti panagloko dagitoy kas law enforcers.
Apaman a naaramid amin nga interventions kadagiti local stations ket saan a nasolbar wenno nagbaliw ti maysa a pulis, maibato daytoyen iti kameng ti Integrity Monitoring Enforcement Group (IMEG) para iti validation ken police operations.
Inlawlawag ni PCol. Suerte a ti agbalin a trabaho ti maysa nga Integrity Monitoring Officer (IMO) ket mangkita kadagiti ‘red flags’ dagiti kapulisan kas iti kellaat a panag-adu ti assets wenno properties a saan a maitunos iti sweldo daytoy.
Apaman a mapaneknekan ti maysa nga IMO nga adda ti kalokoan ti maysa a pulis, mabalin daytoy a maipasidung iti personal counseling wenno peer counseling.
Nu saannan a mabaelan, maipasidungen ti pulis iti cleanitial wenno maiturong iti health service.
Kabayatanna, ti Integrity Officer (IO) met ti mangwanawan kadagiti amin a ipatungpal nga operasyon dagiti kapulisan no sadino imonitor, obserbaranna, ken aglista daytoy manipud kadagiti briefings ken debriefings no sadino saan daytoy a maobliga nga agsao.
Sigun iti nasao nga opisyal, naconceptualize da daytoy ken mannarimaan ti pannakaipinal ti nasao a programa.
Ti nasao a programa ket saan laeng a para iti ‘purity’ ngem agserbi metlaeng daytoy kas preventive way para kadagiti kameng ti kapulisan. //Bombo Noveh Organo
