Kidkiddawen ni Congressman Maximo “Maxi” Dalog, Jr. ti tulong ti Office of the Presidential Adviser on Peace, Reconciliation and Unity (OPRAPU) tapno i-signify ken i-certify ni President Ferdinand Marcos Jr. ti panagbalin ti Rehiyon Cordillera kas Autonomous Region.
Sigun iti opisyal, awan ti closure agreement nu awan ti otonomiya.
Kas kinuna daytoy “𝑇ℎ𝑒 𝑢𝑙𝑡𝑖𝑚𝑎𝑡𝑒 𝑝𝑟𝑜𝑚𝑖𝑠𝑒 𝑜𝑓 𝑀𝑜𝑢𝑛𝑡 𝐷𝑎𝑡𝑎 𝑟𝑒𝑚𝑎𝑖𝑛𝑠 𝑢𝑛𝑓𝑖𝑙𝑓𝑖𝑙𝑙𝑒𝑑 𝑢𝑛𝑡𝑖𝑙 𝑤𝑒 𝑎𝑐ℎ𝑖𝑒𝑣𝑒 𝑔𝑒𝑛𝑢𝑖𝑛𝑒 𝑟𝑒𝑔𝑖𝑜𝑛𝑎𝑙 𝑎𝑢𝑡𝑜𝑛𝑜𝑚𝑦.”
Kinidaw pay daytoy ti maudi a gundaway tapno aramiden dagiti nasken nga aramiden ken saan a rason ti namindua a napaay a plebiscite idi tawen 1990 ken 1998.
Impeksa pay daytoy nga adadda a mas informed ti publiko ita nu idilig kadagit naglabas a tawen.
Dinakamat pay ti nasao nga opisyal nga addayo pay laeng ti nagdumaan ti Rehiyon nu idilig kadagiti dadduma a lugar.
Nupay kasta, positibo daytoy a patgan ti presidente ti kiddaw daytoy.
Kabayatanna, impanamnama met ni Atty. Wilben Mayor, Undersecretary for Local Conflict Transformation and Peace Sustainability ti OPAPRu a suportado daytoy ti panagbalin ti Cordillera kas maysa nga Autonomy Region.
Inlawlawag daytoy a nakalanad iti fulfillment a nasken nga i-acknowledge ti dua a partido dagiti accomplishment ti national government no sadinno dua laengen nga item ti nasken nga aramiden kas iti pannakaileppas daytoy ita a tawen. Impettengna a napondoan payen dagiti nasao a proyekto.
Imbinglayna metlaeng nga amin dagiti ‘deliberates’ manipud iti National nangruna iti CBA-CPLA ket malpas ita a tawen no sadino substanstial metten ti accomplishment ditoy ti national government.
Kabayatanna, nupay awan ti agreement iti pannakacertify ti Cordillera kas otonomiya, naka-embody iti konstitusyon ti kampanya wenno laban para iti otonomiya ti Rehiyon Cordillera.
Innayon met daytoy a nangilatang dagitoy ti pondo tapno makumpleto dagiti nabatbati a ‘deliverables’ para iti peace and reconciliation programs.
Imbinglay met daytoy a karaman ti panangidokumento iti pakasaritaan ken pannakidangadang dagiti lokal a grupo ken panangipatungpal kadagiti socio-economic ken sustainability programs iti nabatbati a deliverables. //via Bombo Noveh Organo
