BAGUIO CITY – Impeksa ni Mr. Whitney Dawayen, principal ti Baguio City National High School a nu maminsan ket saanna a maawatan dagiti daduma a paryentes gapu ta iti laksid nga adda ti pagadalan a mangidiaya ti Senior High School kadagiti babbarangay dagitoy ket ti Baguio City National High School ti pagturturonganda.
Sigun kenni Dawayen, adda pay ti sangapulo ket siam a para-publiko a pagadalan iti siudad a mabalin a pag-enrollan iti senior high school.
Bayat nga adu dagiti nagpila tapno agpaenroll iti Baguio City National High School idi kalman, daduma met kadagiti pagadalan ti mismo nga agur-uray kadagiti agturong nga agpaenroll kadagitoy.
Gapu iti dayta, kinuna ni Dawayen nga ikonsidera ti panagturong kadagiti daduma a pagadalan kas kadagiti asideg laeng iti pagtaengan tapno matulongan ti Baguio City National High School a madecongest.
Kabayatanna, awan met ti parikut kadagiti agenroll iti junior high school iti nasao a pagadalan partikular dagiti incoming Grade 7 students gapu ta adu dagiti section a mabalin a pakaiwarasan dagitoy.
Tunggal grade level iti junior high school iti nasao a pagadalan ket addaan ti sag-tallo pulo ket dua (32) a sections ken mangrugi ti enrollment dagitoy inton Hulyo 15 agingga Hulyo 19.//Bombo Rob Dominguez
