“Sadut dan sa nga ipan iti collection area dagiti basbasurada.”
Daytoy ti kinuna ni Engineer Eugene Buyucan, dadaulo ti General Services Office seknan iti “indiscriminate dumping” dagiti basura dagiti residente idiay Lower Magsaysay Barangay ken dadduma pay a barangay iti siudad ti Baguio.
Iti interview ti Bombo Radyo kenkuana, kinunana a maipulpullat dagitoy kadagiti net screen nga inkabil ti City Engineering Office a mangituntunda iti panaglayos.
Malaksid iti dayta, maap-apektaran pay ti lagoon gapu kadagiti basura a saan a mai-segsegregate.
Sigun kenkuana, posible a gungundawayan dagiti residente ti agibelleng iti nasao a lugar nangruna nu awan ti makakita kadakuada.
Immanamong pay ni Buyucan ti kinunana ni Mayor Benjamin Magalong a nu saan a kayat dagiti residente ti ma-apprehend, ipaay laeng ti mensahe kadakuada seknan iti nasayaat a panangibelleng kadagiti basura.
