--Ads--
BAGUIO CITY -Karbengan ti maysa a botante nga ital-o ti talkenna wenno paboritona a kandidato iti masungad nga eleksion.
Gapu iti daytoy, saan a rumbeng a babalawen ti pada a tao gapu laeng ta naiduma ti supsuportaranna a kandidato.
Tunggal maysa ket addaan ti makunkuna a “freedom of expression” no sadino nawaya ti tunggal indibidual a mangipeksa ti suportana iti kanditato a talkenna nga agbalin a lider ti pagilian.
Nu saan a makayatan ti pablaak iti social media gaputa saan a maitunos iti pagayatan, saan a rumbeng nga apaen ken pagsasaoan ti dakkes ti awtor.
Imbes ketdi, ital-o met ti paborito a kandidato ken mangammong met dagiti daduma a tao no sino ti suportaranda nga agtugaw iti pwesto.
