Panggep ti Indonesia a maisubli iti nagtaudanda a pagilian ti sumagmamano a ganganaet a balud kalpasan ti 2024 karamanen ni Mary Jane Veloso.
Malaksid kenni Veloso a naisalakan iti pannusa a pammapatay, ken iti pagbaludan a nagtaud manipod idiay France, karaman metlaeng a pinatgan ti Indonesia a makaawid ken maibalud iti pagilianda nga Indonesia ket ti nabatbati a kameng ti maaw-awagan a “Bali Nine,” a nasentensiaan gapu iti kasoda nga iligal a droga.
Sigun kenni senior minister Yusril Ihza Mahendra, impablaakna daytoy kalpasan a kinunana idi napalabas a lawas a pinatgan ni President Prabowo Subianto ti panangiyakar kenni Veloso iti Pilipinas.
Tawen 2015 idi intantan ti Indonesia ti pammapatay kenni Veloso kalpasan a natiliw nga agiruar ti iligal a droga idiay Indonesia idi 2010.
Impeksa met ni Veloso ti nalaos unay a ragsakna idi napalabas a lawas kalpasan a naamuanna ti napintas a damag a makasubli daytoy iti Pilipinas.
Pagsasaritaan metten ti addang a panangiyakar kadagiti lima nga Australian a nakemmeg idi 2005 a mapapati a kameng ti maysa a drug ring.
Naipatungpalen iti dua a kameng ti “Bali Nine” gang ti pannusa a pammapatay babaen iti firing squad nu sadinno maysa kadagitoy ti pimmusay gapu iti cancer, bayat a nawayawayaan idi 2018 ti maysa.
Sigun kenni Yusril, naituding a kasaritana iti sumaruno a lawas ti sumarungkar iti Minister for Home Affairs ti Australia a ni Tony Burke.
