Imbinglay Senate President Francis “Chiz” Escudero a nasaysayaat para kenkuana ti panakaparegta ti agdama a pagannurutan maipapan iti annulment of marriage ngem ti panangipasa iti absolute divorce bill.
Sigun kenni Senator Chiz, nasaysayaat nu agbalin nga affordable ken accessible ti annulment kadagiti agtarigagay iti daytoy ken insingasingna a masapol a rugyanen dagiti Public Attorney’s Office(PAO) ti umawat kadagiti petisyon dagiti maseknan nga agassawa tapno saanen unay a dakkel ti bayadan dagitoy.
Innayon ti senador a saan a kasapulan ti Pilipinas ti makigiddan kadagiti pagilian a mangiyim-implimintar ti divorce iti agdama nupay daytoy laenging ken ti Vatican City ti awanan ti legal provision iti nasao a banag.
Maipalagip a naaprubaran iti Kamara ti panagbalin ti Divorce Bill kas maysa a linteg iti pagilian nu sadino, pinaboran daytoy ti 131 a manmanday linteg, bayat a 109 laeng ti saan nga immanamong iti daytoy, ken 20 ti saan a nagdesisyon.
Nupay kasta, impasigurado ni Senator Chiz a timbanginna ti panakatalantan ti nasao a gakat iti senado gapu ta halos nagudwa ti benneg a taktakderan dagiti miembro ti Kamara mainaig iti daytoy.
