Nagyaman ni Senator Ping Lacson iti balligi nga isasangpet iti pagilian ti agarup 24 a Pilipino a naibalud idiay Russia iti agarup siyam a bulan.
Sigun kenni Senator Lacson, maysa daytoy kadagiti bunga ti panagbisita ni President Ferdinand Marcos, Jr. idiay Russia no sadinoo inyumanna kenni Russian President Vladimir Putin, a dagos met nga inaksyonan ti nasao a presidente.
Iti mays nga statement, impeksana a nu saan a naaksyonan ti nasao a kaso, nalabit agtaltalinaed pay laeng dagiti 24 a Pilipno idiay pagbaludan.
Maipalagip a nakasangpet dagiti Pilipino idiay Ninoy Aquino International Airport (NAIA) Terminal 1 ita nga aldaw.
Sigun iti Department of Foreign Affairs (DFA), naipatungpal ti nasao a repatriation babaen iti pannakitinnulong ti otoridad ti pagilian a Russia, Deparment of Migrant workers (DMW), ken Overseas Workers Welfare Administration (OWWA).
Immuna metten a kinumpirmar ni President Ferdinand Marcos, Jr. a impakaammo kenkuana ni Russian President Vladimir Putin a mawayawayaan dagiti 24 a Pilipino.
Immunan a naipakaammo iti report a naibalud dagitoy gapu iti issue da iti immigration kalpasan a nabiktima dagitoy iti illegal recruiters. //bombokaren.c.sapirao
