--Ads--
Ka-Bombo, nakakita ken nakaraman kayu kadi iti pancit ay kulay violet.
Bueno, trending iti social media ti panagkasangay ti 58-anyos a ni Marilyn Deguia sadiay Caloocan City gapu ta ti motif ti selebrasyon daytoy ket kulay ube wenno violet.
Amin a banag ket kulay violet.
Violet ti kulay ti kawes dagiti dimmar-ay kasta met ti kulay ti regalo dagitoy kenkuana.
Malaksid iti dayta, violet met ti kulay dagiti makan kas iti pancit ken champorado.
Saan a maliklikan dagiti bisita ni Marilyn a damagen nu anya a kita ti nasao a taraon agsipud ta nakulayan dagitoy iti violet.
Kanchaw ti maysa a bisita, ti laeng saan a kulay violet ket ti kutsara nga inusar dagitoy.
Oh, ka-Bombo, naikkan ka kadi iti ideya para iti panagkasangay mo?
