--Ads--
Sumagmamano a Pilipino nga agnanaed iti agdama idiay California ti naapektaran iti mapaspasamak a wildfire partikular idiay Los Angeles.
Sigun kenni Delfrado Villanueva Jr., Bombo International News Correspondent idiay California, USA, ti panggedan dagiti Pilipino nga adda sadiay ti naapektaran pakairamanan dagiti mangmangged kas caregivers.
Sumagmamano metten kadagitoy ti nagbakwit kalpasan a nangipaiyulog ti Philippine Consulate General idiay Los Angeles California iti pakdaar wenno pammilin.
Kagiddan dayta, naipanamnama met ti naan-anay a panagresponde ken panagtulong ti embahada ti Pilipinas sadiay Estados Unidos kaspangarigan kasapulan dagiti Pilipino nga adda sadiay ti tulong.// Bombo Rob Dominguez
