Kinondenar ni Defense Secretary Gilberto Teodoro Jr. ti national newspaper ti China, gapu iti social media post dagitoy a manangiladladawan kadagiti Pilipino kas bakes.
Daytoy ket mainaig iti arbitral ruling iti West Philippine Sea (WPS).
Sigun kenni Teodoro, ti nasao a social media post ti Chinese state media outlet ket mangiladawan iti panagkita ti Chinese Communist Party (CCP) kadagiti Pilipino.
Inruar ti China Daily ti kontrobersial a post idi Hulio 10, dua nga aldaw sakbay ti maika-10 nga anibersario ti historic ruling ti Permanent Court of Arbitration a nangbigbig iti karbengan ti Pilipinas iti Exclusive Economic Zone (EEZ) daytoy iti West Philippine Sea (WPS).
Iti statement nga inruar ni Teodoro, ti panangiladawan kadagiti Pilipino kas bakes ket maysa a kita ti panangtagibassit ken propaganda kontra iti pagilian.
Makita iti video ti maysa a bakes a nakasuot iti “barong Tagalog” ken “salakot”.
Sigun ken ni Teodoro, ti video material ket panaguyaw iti 2016 Arbitral Award ken maipagarup a mangipakpakita iti kinaranggas kadagiti Pilipino ken soldado.
