Nagpalagip dagiti opisial iti salun-at, karaman ti World Health Organization (WHO), seknan kadagiti pangta iti panagaramat iti e-cigarettes wenno vape, kasaruno iti agtultuloy a kampania kontra iti panagsigarilio iti siudad ti Baguio.
Imparang dagiti kameng iti Smoke-Free Baguio Task Force ti nagduduma a kita iti vape products a nakumpiskar kadagiti otoridad iti siudad kas paset iti anti-smoking drive dagitoy.
Sigun kadagiti eksperto iti salun-at, ti vaping ket mabalin a mangitunda iti nakaro nga epekto a kas iti sakit iti bara, pannakadadael iti puso, ken pakaseknan iti utek.
Karaman metlaeng ditoy ti โpopcorn lungโ wenno bronchiolitis obliterans, maysa a permanente a kasasaad a mangitunda iti pannakadadael ken peklat iti lungs.
Nadakamat metlaeng a ti E-cigarette wenno Vaping Use-Associated Lung Injury (EVALI) ket maysa a posible a makapatay a kasasaad nga adda pakainaiganna iti panagaramat iti vape nga addaan iti kemikal a makapirdi iti salun-at.
Agtultuloy a guyguyugoyen dagiti otoridad ti publiko, nangruna dagiti agtutubo, a liklikan ti panagaramat iti vape gapu iti serioso a pangta daytoy iti salun-at.
