Impetteng iti Bureau of Jail Management and Penology (BJMP) nga awan ti namonitorda a pangta kalpasan a naiyakar iti Philippine General Hospital (PGH) ni sigud a House Speaker ken Leyte 1st District Representative Martin Romualdez para iti independent medical assessment daytoy.
Sigun kenni BJMP spokesperson Jail Superintendent Jayrex Bustinera, nakasagana ti ahensia iti aniaman nga insidente ken makikikoordinar iti PNP ken lokal a pulisia para iti seguridad.
Ad-adda a nainget metlaeng ti seguridad iti PGH gapu kadagiti nailista a kaso iti panaglibas kadagiti napalabas.
Naiyakar ni Romualdez iti PGH manipod iti Cardinal Santos Medical Center idi Sabado tapno maamuan nu kasapulanna nga agtalinaed iti ospital. Nu saan, mabalin daytoy a maiyakar iti Quezon City Jail.
Sigun iti BJMP, adda iti 3,200 PDLs iti Quezon City Jail, nga addaan iti maximum capacity a 4,300. Addaan metlaeng iti 27 a bakante ken kanayunan a bakante a selda iti infirmary.
Nakadepende paylaeng iti resulta iti medical assessment nu agtalinaed iti ospital wenno maiturong ni Romualdez iti pagbaludan.
