--Ads--
Mangrugi inton bigat, Agosto baente sais ti panakaaramid ti temporaryo a kalsada idiay Km. 75 Pilando Section iti Halsema Highway.
Maipatungpal ti konstruksion kalpasan a pinatgan ti agtagikua iti asideg ti na washout a kalsada a maaramat daytoy kas alternatibo a dalan.
Maipalagip a namingpingsan a nargaay ti nasao a kalsada itay nabiit, gapu iti napigsa a panagbayakabak ti tudo.
Gapu iti dayta, parikut dagiti sumagmamano a mannalon ti kanayonan gastosda iti krodo gaputa kasapulanda a magna iti adayo a rota tapno ibiaheda dagiti inapitda a nateng.
