Panggep ni incoming Baguio City Congresman Mauricio Domogan nga isakad ti panakabalbaliw ti oil deregulation ken price control law iti pagilian iti panagtakemna iti kongreso.
Daytoy ti maysa kadagiti solusyon a makitkita ni Atty. Domogan tapno maipaayan iti bileg ti gobyerno a mangkontrol iti agsasaruno a panagngato ti presyo dagiti produkdo a petrolyo.
Maipalagip a nangrugi a naipatungpal itay agsapa ti staggered bigtime oil price hike a dumandananon iti nasurok dua agingga iti nganngani lima a pisos tunggal litro.
Sigun kenni incoming congressman Domogan, maysa daytoy a gakat kadagiti ipangpangruna nangruna ta nangatngato iti siyam wenno sangapulo a pisos tunggal litro ti presyo ti produkto a petrolyo iti siyudad ti Baguio no idilig idiay La Union.
Dinakamatna a ti maibagbaga a transporation cost wenno plete ti tunggal litro ti petrolyo manipud La Union paturong iti siyudad ti Baguio
ket 0.40 laeng, ngem no apay dakkel unay ti ganansiya dagiti negosyante.
Insalaysayna nga inreklamona idin daytoy iti department of trade and industry wenno DTI ngem impetteng ti nasao nga ahensiya nga awan ti maaramidan daytoy agsipud ta saan a sakup ti price control law ti produkto a petrolyo.
Gapu iti daytoy, tarigagay ni Atty. Domogan a maaamyendaran ti price control law tapno mainayon ditoy ti petroleum products.
Malaksid iti daytoy, kinunana nga adalenda no kasano a mapukaw ti monopolyo dagiti dadakkel a kompanya ti petrolyo ditoy Pilipinas tapno ad-adda pay a mapalawa ti kompetisyon dagiti oil companies ken mapasayaat ti presyo ken kualidad dagiti nasao a produkto a kas iti krudo, gasolina ken kerosena.
Immuna iti daytoy, kidkiddawen dagiti lokal a driver iti siyudad ti Baguio a masukimat ti nangato a diperensiya iti presyo ti produkto a petrolyo iti situdad ti baguio ken iti La Union.
Iti met protesta ti maysa a transport group sadiay Metro Manila itay agsapa, impettend ti grupo a rumbeng a maamyendaran ti Oil deregulation law tapno maaddaan ti gobyerno iti bileg a mangkontrol iti panagngato ti presyo dagiti nasao a produkto.
Maipalagip met a nga agpangpangta ti agtultuloy a panagngato ti preto ti pterolyo gapu iti mapaspasamak a riribuk sadiay middle east.//Bombo Alfred Pudsoc
