Impetteng ni President Ferdinand Marcos Jr. a ti panangpababa iti edad ti criminal liability ket kasapulan ti kanayonan a panagadal.
Daytoy ket kasaruno dagiti insidente ti pammagbagsol ken pammaltog a nakairamanan dagiti menor de edad.
Malaksid iti dayta, inyebkas ni President Marcos Jr. ti panagduadua no ti panangpababa iti edad ti criminal liability ket epektibo a mangtaming kadagiti isyu a pakairamanan dagiti ubbing.
Dinakamat pay ti presidente dagiti pakaseknan iti mental health ken agbalbaliw a social conditions.
Inyunay-unayna a kasapulan a maadal a nasayaat ti child psychologists ken dagiti surveys a maisaysayangkat, mainaig iti mental health dagiti ubbing.
Daytoy ti statement ni President Marcos Jr. iti baet ti awag dagiti pannakabagi ti linteg ken sumagmamano a mammanday-linteg a maibaba ti minimum age of criminal liability kalpasan ti agsasaruno a naranggas a krimen a pakairamanan dagiti menor de edad iti pagilian.
