Mapagsagsaganaan itan ti deployment ken ti panagplano ti ahensya ti pulisya ken ti traffic enforcement unit para iti umadanin a bakasyon wenno sumvac (summer vacation) iti siudad ti Baguio.
Daytoy ket gaputa manamanama nga umadu manen dagiti turista ita a bulan rason a nangrugi dagituyen nga agplano.
Iti panakiuman ti Bombo Rayo kenni PMaj. Marcy Marron, Public Information Officer ti Baguio City Police Office agarup lima gasut a pulis ti manamnama a maideploy para iti sumvac kasta metten iti holy week wenno ti semana santa.
Malaksid iti dayta, adda metten dagiti interesado nga agvolunteer a nangisumitir iti letter of intent para iti nasao a banag.
Nupay kasta, awan paylaeng ti plano no ania dagiti pagalagadan kadagiti kalsada kasta metten no manu dagiti traffic enforcement unit a maideploy.
Iti baet dayta, nakasagana dagiti bakasyon lane a mabalin a pagnaan dagiti turista wenno motorista.
Malaksid iti dayta, nakasagana metten dagiti tourist police unit a tumulong para iti panagbantay iti seguridad dagiti indibidual ng agturung kadagiti parke iti siudad.
Kagiddan dayta, agtultuloy a maguyguyogoy ti publiko a saan pay a nakadownload iti BCPO view bag app nga idownload ken aramatenda daytoy.//Bombo Noveh Organo
