Inmawat ti nagduduma a reaksyon manipud iti publiko ti pannakaikabil ti maysa a lungon iti paset ti Benguet-Nueva Viscaya Road idiay Barangay Ambuklao, Bokod, Benguet.
Iti pannakiuman ti Bombo Radyo kenni Mayor Erik Donn Ignacio, dinakamatna a ti nasao a lungon ket inkabil ti Barangay Ambuklao iti panangidadaulo ni Barangay Captain Reynaldo Tello ti nasao a lungon iti paset ti nasao a kalsada tapno agserbi daytoy a pammalagip ken ballaag kadagiti dumaldalyasat sadiay nga agannadda.
Sigun kenkuana, addu gamin metlaeng dagiti motorista a saan nga agtultulnog kadagiti linteg iti kalsada ken saan laeng gamin nga iti nasao a pasdek ti pakapaspasamakan ti aksidente nu diket ti sibubukel a Benguet-Nueva Viscaya Road no sadinno dinakamatna metlaeng a kaaduan kadagiti maak-aksidente sadiay ket saan a residente iti nasao a lugar.
Sigun pay kenkuana, ngumatngato ti bilang dagiti aksidente iti nasao a lugar gapu ta addu met dagiti dumaldalan iti nasao a kalsada nangnagruna ta ammoda a daytoy ket nalaklaka a ruta manipud Baguio paturong Viscaya ken Cagayan.
Innayon daytoy a nupay adda ti shock value ti pannakaikabil ti nasao a lungon iti nasao a pasdek, patienna nga epektibo daytoy a wagas gapu ta mapagsasaritaan daytoy kalpasan a nagviral ti ladawan ti lungon iti social media no sadino nakaawat daytoy iti nagduduma nga reaksyon ken komento- adda dagiti naklaat ken adda met ti nang-apresyar iti nasao nga initiatiba.
Kabayatanna, impeksa ni Bokod Mayor Erik Donn Ignacio nga umannamong daytoy iti inaramid ti Barangay Ambuklao ken dinakamatna nga idepensa daytoy.
Daytoy ket kalpasan a nakaawat ti nasao nga initiatiba iti nagduduma a komento manipud iti publiko no sadino adda dagiti nagbalin a sensitibo seknan iti nasao nga isyu.
Sigun kenni Mayor Ignacio, kanunonganna ti nasao nga initiatiba tapno maala ti atensyon ti publiko.
” I will defend that . . I will defend that initiative of Barangay Ambuklao kasi nga kung hindi mo sila i-shoshock ng ganito, hindi sila magiging aware.
Kung may kakaiba, iyon iyong nagda-draw nga atensyon. “ , kinuna daytoy.
Innayon pay daytoy a nupay adda dagiti maimunmuntar a signges kadagiti kalkalsada, saanda dagitoy a sursuroten.
Namnamaen met daytoy a kadagiti indibidual a negatibo ti reaksyonda seknan iti nasao a banag, maawatanda kuma ti ‘value’ na ti nasao nga initiatiba no sadino agserserbi daytoy a pallagip nga agganad iti byahe ken panagmaneho.
Nupay kasta, dinakamatna nga nu addanto ti komento ken rekomendasyon ti Department of Public Works and Highways (DPWH), awatenda daytoy ket ipasada iti maseknan a barangay.
Iti agdama, awan pay laeng ti planoda a nayunan ti nasao a lungon ngem impeksa ni Mayor Ignacio a nayunanda daytoy kadagiti nagduduma a road signages.
Kagiddan dayta, nagballag daytoy kadagiti motorista a doble-en dagitoy ti panagganad da tunggal agbyahe dagitoy.
Impeksa metlaeng daytoy nga i-evaluate da ti nasao a pasdek ta baka mangitunda daytoy iti congestion no sadino pagbalinenda a tourist spot ti nasao a nakaikabilan ti lungon.
Innayon ti nasao a Mayor nga adalenda daytoy a nalaing tapno saan nga agresulta ti nasao nga initiatiba iti traffic ken aksidente nangnangruna ta naukabil daytoy iti kurbada a paset ti Benguet- Viscaya Road. //bombokaren.c.sapirao
