Pinasingkedan ti Commission on Elections (Comelec) ti desisionna a maibasura ti petision para iti pannakadiskualipikar ni incoming Senador Erwin Tulfo.
Iti pito a panid a resolusion a napetsaan iti Hunio 5, 2025, kinuna ti poll body a napagkedkedan ti motion for reconsideration nga impila ti Toto Bunyog Causing and Graft-free Philippines Foundation Inc.
Karaman kadagiti rason ti petitioners a nakalanad iti disqualification case ni Tulfo ket ti US citizenship daytoy ken ti panaglabsing iti “equal access to opportunities for public service.”
Inlawlawag ti nasao nga ahensia a ti kinakurang ti Philippine citizenship, panaglabsing iti “equal access to opportunities for public service,” ken ti political dynasty prohibition ken ti pannakapaay a maragpat ti kwalipikason ket saan a “grounds” para iti disqualification.
