Pinasingkedan ti Korte Suprema a mailaksid ti siudad ti Baguio kadagiti ancestral claims iti Republic Act No. 8371, wenno ti Indigenous Peoples Rights Act of 1997 (IPRA).
Gapu iti dayta, imbasura dagitoy ti motion for reconsideration nga impila ti National Commission on Indigenous Peoples (NCIP) ken dagiti agtawid kadagiti sanikua da Joan L. Gorio ken Lauro Carantes seknan iti desisyon ti korte idi Hulyo 11, 2023 a nangideklara a ti nasao a linteg no sadino saan a rumbeng nga aramaten daytoy iti siudad ti Baguio.
Imbes ketdi ti bukod a charter ti mangikeddeng kadagiti land rights iti siudad.
Maipalagip nga idi 1990 a nangipila dagitoy iti ancestral claim para kadagiti parcels ti mapapati a sanikua dagitoy nga iti agdama ket ti Ibaloi indigenous cultural community.
Pinatgan met daytoy ti National Commission on Indigenous Peoples ken nangipayulogda metlaeng iti certificates of ancestral land titles.
Nupay kasta, impetteng ti korte suprema a ti siudad ti Baguio ket saan a karaman iti Indigenous Peoples Rights Act of 1997 (IPRA) gapu ta naideklara daytoy kas Townsite Reservation.
Rason iti dayta, awan ti bileg daytoy kadagiti immun-una a proklamasyon seknan kadagiti karbengan dagiti indibidual kadagiti tawid dagitoy idi umun-una a panawen.
Iti baet dayta, mabalin met a paneknekan dagitoy a kukuada dagiti sumagmamano a daga iti siudad ngem iti kasoda da Carantes ket saan a napaneknekan a kukuada daytoy.
