![](https://img.bomboradyo.com/baguio/2024/06/GUO-1-1.jpg)
Imbilin ti Senate Committee ti pannakaipaulog ti arrest warrant kontra kenni suspended Bamban, Tarlac Mayor Alice Guo kalpasan a saan daytoy a dimmar-ya iti agtultuloy a hearing para iti imbestigasion ti na-raid a Philippine Offshore Gaming Operators (POGO) hub idiay Tarlac.
Immuna metten nga inwaragawag ti kampo ni Guo a saan daytoy a makadar-ay gapu iti stress ken trauma.
Ni Senate President Pro Tempore Jinggoy Estrada ti nangisingasing iti pannakaipaulog ti arrest kontra kenni Guo banag a sinuportaran ni Senator Risa Hontiveros.
Inkari met ni Senate President Francis “Chiz” Escudero a pirmaanna ti warrant of arrest kontra kenni Guo apaman a maipatungpal ti formal motion manipud iti Senate committee.
Mainaig iti dayta, insingasing pay ni Senator Sherwin Gatchalian ti pannaka-cite-in-contempt ken pannakaipaay ti subpoena kenni Guo pakairamanan dagiti kapamilyana.