Inrekomenda ti Field Investigation Bureau ti Ombudsman ti pannakaipila ti kaso a plunder ken indirect bribery kontrak kenni Senator Rodante Marcoleta kalpasan a maatap a nakaawat daytoy iti P75 milyon kas campaign donations idi napalabas a tawen.
Sigun iti complainant- affidavit a napirmaan idi Mayo 18, kayat dagiti imbestigador a kasuan ni Senator Marcoleta iti plunder pakairamanan ni sigud a Quezon City 2nd District Representative Mike Defensor ken dua pay nga indibidual a nangited iti donasyon idiay senado.
Ti nasao a rekomendasyon ket paset iti nalawlawa pay nga imbestigasyon ti Ombudsman seknan iti panagaramat ti campaign funds ken maatap a panaglabsing dagitoy iti linteg.
Iti agdama, awan pay laeng ti statement manipud iti kampo ni Senator Marcoleta seknan iti nasao a reklamo. //bombokaren.c.sapirao
