Manarimaanen ti pannakaiproseso iti pannakaiturn-over dagiti bangkay dagiti lima pay a nabatbati a biktima iti Jeju Air flight 7C 2216 plane crash sadiay South Korea itay nabiit.
Iti pannakiuman ti Bombo Radyo kenni Ruel Toquero, Bombo International News Correspondent idiay South Korea, kinunana a daytoy ket kalpasan a nabigbig ti pakabigbigan idi laeng kalman kabayatan ti New Year celebration.
Sigun kenni Toquero, sipud metten napasamak ti plane crush ket nagturong dagiti pamilya dagiti biktima iti Muan International airport ken saanda a pimmanpanaw agingga a saan a nabigbig dagiti pamilyada a karaman iti nasao nga aksidente.
Gapu iti dayta, imbilin ni acting President Deputy Prime Minister Choi Sang-mok nga ipangpangruna dagiti otoridad sadiay ti panangipaay iti impormasyon seknan iti rason ti napasamak.
Daytoy ket kasaruno metlaeng ti patta-patta nga ibagbaga dagiti dadduma no sadino dadduma kadagitoy ti mangibagbaga nga adda iti dadael ti nasao nga eroplano ken dadduma pay.
Kabayatanna, agpatpataming metten iti agdama dagiti dua a nakasurvive iti nasa a plane crash ken possible metten a makaruar dagitoy iti pagagasan ita a bulan.
Iti agdama, manarimaan paylaeng ti mourning period ti intero a South Korea gapu paylaeng iti daytoy.
