Isingsingasing ni Rocky Aliping, councilor ken Presidente ti liga ng mga barangay iti siudad ti Baguio ti pannakaituloy manen ti landscaping ken beautification contest dagiti 128 a barangay iti siudad ti Baguio kas paset ti tinawen a panagbenga festival iti siudad.
Iti pannakiuman ti Bombo Radyo kenkuana, kinunana a nasaysayaat no mainayon manen daytoy kas highlight ti nasao a festival tapno saan laeng a dagiti tourist spot ti mapapapintas.
Gapu iti dayta, impettengna a mangisumitir dagitoy inton huwebes iti resolution seknan iti daytoy iti Baguio Flower Festival Foundation Inc.
Iti baet dayta, adda met dagiti aktibidad a mabalin a pakipasetan dagiti nagduduma a barangay kas ti Grand opening parade inton Pebrero a uno, ti grand float parade, ti fluvial parade, ti Session Road in Bloom ken dadduma pay.
Kabayatanna,inlawlawag pay ni Aliping a dagiti pamastrekan iti Session Road in Bloom ket naituding a pagbibingayan dagiti 128 a barangay iti siudad.
