BAGUIO CITY – Agtultuloy ti panangasikaso ti Overseas Workers Welfare Administration (OWWA) – Cordillera para iti naparpartak a panakaiyawid ditoy pagilian dagiti bangkay dagiti OFWs iti Cordillera a pimmusay sadiay ballasiw taaw.
![](https://img.bomboradyo.com/baguio/2020/12/70803296_2434707303473887_6266057762434711552_n.jpg)
Sigun kenni OWWA-Cordillera Supervising Administrative Officer Edgar Melchor Laigo, sangapulo pay laeng kadagiti nasao nga OFWs ti as-asikasuenda ti panakayawid dagiti nasao a bangkay.
Kinunana a dagitoy ket manipud Middle East, South Korea, South Africa ken dadduma pay.
Inlawlawagna met a mabayagan ti panakaiyawid dagiti bangkay gapu kadagiti proseso nga ipatpatungpal ti Philippine Embassy.
Kinuna ni Laigo a mangididiaya met ti OWWA iti programa para kdagiti kapamilya dagiti pimmusay nga OFWs.
Dinakamatna nga adda ti listaan ti OWWA para kadagiti pamilya a rumbeng nga agnumar iti programa.