Impasigurado ti Department of Migrant Workers (DMW) ti dagus a pannakaiyawid ti bangkay ti pimmusay a Pinay Nurse idiay Abu Dhabi.
Malaksid iti dayta, inkari pay dagitoy a mangipaay ti gobierno iti Pilipinas iti available assistance kadagiti pamilyana partikular ti asawa daytoy.
Ti nasao a Pinay nurse ket pimmusay gapu iti car accident iti nasao a pagilian.
Gapu iti daytoy, impetteng ni Migrant Workers Secretary Hans Leo Cacdac a mangipatulod dagitoy iti representatives manipud iti Department of Migrant Workers, ken ti Department of Foreign Affairs (DFA) idiay Abu Dhabi tapno tumulong dagitoy a mangimbistigar iti nasao nga insidente.
Innayon pay ni Cacdac a kadwaenna dagiti government personnel ti asawan ti Filipino nurse a ni Reyna Jane Ancheta a pangclaim iti bangkay daytoy idiay Abu Dhabi.
Daytoy ket tapno masigurado a maiyawid ti nasao a bangkay iti pagtaenganda.
Iti agdama, manarimaan paylaeng ti imbistigasyon para iti daytoy.
