Idagdagadag ni House Infrastructure Committee Co-Chair Terry Ridon ti Independent Commission for Infrastructure (ICI) a kumpletuenda dagiti opisyales dagitoy tapno agtuloy ti imbestigasyon seknan iti naanomalyaan a flood control projects iti pagilian.
Sigun kenni Ridon, napateg ti panangnayon iti manpower ken pannakakumpleto dagiti commissioners ti nasao nga ahensiya tapno mapalawa pay ti imbestigasyon iti pagilian.
Insingasing na pay nga iti kabiitan a panawen ket mangisumitir ti ahensiya ti reorganization plan kenni President Ferdinand “Bongbong” Marcos, Jr. tapno saan a sayang ti narugian a trabaho ti Independent Commission for Infrastructure (ICI) .
Sigun kenni Ridon, bayat a nawaya ti nasao nga ahensiya a mangisayangkat kadagiti imbestigasyon, kasapulan latta nga adda ti sursututenda a direksyon ti nasao nga ahensiya. // Bombo Karen Calpoe Sapirao
