Inlawlawag ni Abra Vice Governor Maria Jocelyn Bernos ti naipaulog a supension order kontra kenkuana manipud iti Opisina ti Presidente babaen iti opisina ti Executive Secretary a pinirmaan ti Deputy Executive Secretary for Legal Affairs.
Sigun kenni Vice Governor Maria Jocelyn Bernos, maibasar iti pammilin ket masuspendir ti Governor iti sangapulo ket innem a bulan, a sakupenna ti nabatbati a panawen agingga nga aggibus ti agdama termino daytoy kas gobernador. Nupay kasta, mariro ti legal team ti Vice Governor no asino ti pudpudno a masuspendir.
Gapu iti dayta, kinunana a mangipila dagitoy iti mosyon iti korte.
Sigun gamin kenni Vice Governor Maria Jocelyn Bernos ti nasao a suspension order ket naibasar iti aksion nga impatungpalna idi daytoy pay ti gobernador iti Abra idi panawen ti Covid 19 pandemic, partikular ti panangirikeppna iti maysa nga ospital kasaruno ti panangipaulogna iti lockdown tapno maipatungpal ti sanitization ken disinfection kadagiti pasilidad a nangitunda iti panakaipila ti kaso kontra kenkuana iti ombudsman idi 2020.
Kalpasan daytoy, naipila ti nasao a kaso iti office of the President idi 2020.
Nupay kasta, kinunana naibasura ti nasao a kaso iti ombudsman idi tawen 2022 gapu ta mamati ti pangukuman a ti inaramid daytoy nga aksion kas local chief executive ket naibasar iti situasion iti daydi a panawen.
Innayon pay ni Vice Governor Bernos a paset daytoy ti personal interest, nangruna ita ta sidegen ti eleksion.
Patienna a napaulogan daytoy iti suspension tapno saanna nga maipamaysa ti trabaho daytoy kas Vice Governor iti nasao a lugar.
Iti baet daytoy, impaganetget ti bise gobernador nga agtrabaho latta daytoy kas vice governor ti Abra, agsipudta ti naikabil iti suspension order ket ti posisyon na idi kas Governor.
Impagenetget pay ni Vice Governor Bernos a politically motivated daytoy malaksid pay a daytoy ket character ken reputation attack kontra kenkuana.//mp4
