--Ads--
Inwaragawag ti Commission on Higher Education (CHED) a saanen a maipatungal ti General Education (GE) curriculum wenno ti naisingasing a pannakissay ti college GE units manipud iti 36 agingga iti 18.
Sigun iti ahensia, saan a maipatungpal iti School Year 2026–2027 kasaruno ti umad-adu nga oposisyon manipud kadagiti academic groups, faculty unions, universities, ken dadduma nga stakeholders.
Sigun kenni CHED Chairperson Shirley Agrupis, napagnunumuanda ti desisyon kabayatan ti interagency meeting a pinasetan ti Department of Education, Teacher Education Council, CHED ken dadduma pay.
Sigun pay kenkuana, mangipaay metlaeng daytoy iti nawadwad nga oras tapno adalenda a nasayaat ti nasao a curriculum.
